Magna Carta

D Magna Carta^[1] (au Magna Charta^[2]), Langform Magna Carta Libertatum (dt. „groossi Urkunde vo de Freihäite“), isch e Veriibarig vom Köönig Johann Ooniland mit em revoltierende änglische Aadel, wo z Runnymede in Ängland am 15. Juni 1215 besiiglet worde isch. Si gältet as die wichdigsti Kwelle vom änglische Verfassigsrächt. E bedütende Däil vo dr Magna Carta isch e wörtligi Kopii vo dr Charter of Liberties vom Heinrich I., wo em änglischen Aadel sini Rächt gwäärt het. D Magna Carta het grundlegendi politischi Freihäite vom Aadel gegenüber em änglische Köönig verbrieft, wo s Land von em zu sällere Zit e Lääche vom Bapst Innozenz III. gsi isch. D Unabhängikäit vo dr Chille vo dr Chrone wird garantiert. Dr Köönig het s Dokumänt nume wägen em starke Druck vo de Baron aagnoo.

1. ↑ Magna Carta Erläuterungs Tafeln Archivlink (Memento vom 20. Dezämber 2012 im Internet Archive) (PDF; 2,1 MB), Website vo dr Kathedrale vo Salisbury, abgrüeft am 5. Juni 2013
2. ↑ Duden: Die deutsche Rechtschreibung, 24. Uflaag, Mannheim [u. a.] 2006. (S. 660)